Në Hiroshimë, me këtë model kanë përsosur nivelin e tyre të parë, si në estetikë edhe në mekanikë. Kështu, debuton një model hybrid i lehtë 22.5 V. Me një veçanti: energjia është e magazinuar në një kondensator
PA BATERI
Teknologjia e M Hybrid 22,5 volt kombinon frenimin rigjenerativ, një gjenerator starter që vihet në lëvizje me rrip dhe një kondensator 0,012 kWh që zëvendëson baterinë. Cili është avantazhi? Karikohet dhe e lëshon energjinë më shpejt. Pistonat janë modifikuar për të reduktuar fërkimet.
TASHMË ËSHTË MË E KURUAR
Zgara përpara është ridizenjuar ashtu si edhe disqet 16 inç të shkëlqyeshme dhe goma pneumatike 185/60. Risi përbejnë edhe kombinimet kromatike të kabinës, me akustikë më të qetë dhe e pajisur me sedilje me konfigurim të ri. Infotainment me ekran me prekje 7 inç pranon Apple CarPlay dhe Android Auto.
PAJISJE E PASUR
Modelet e serisë parashikojnë fenerë Led dhe frenim automatik në raste emergjence, që individualizon pedalet edhe natën. Sipas kërkesës, mund të ketë edhe asistim të ruajtjes së korsisë, njohje të sinjaleve rrugore dhe kamera 360 gradë me sensorë parkimi edhe përpara, gjë që është ndihmë e madhe gjatë manovrimit.
E ZHDËRVJELLËT DHE E SIGURT
Mazda 2 dallon për një timon të saktë dhe progresiv me një platformë mbështetëse që vendos një akord ndërmjet komfortit dhe ecjes në rrugë. Boshit përpara është energjik i ndihmuar nga puna e sistemit G-Vectoring control plus. Gjatë daljes nga një kthesë aplikohet një forcë e lehtë frenuese në pjesën e brendshme të rrotave në fazën e ripërshtatjes së timonit, duke kontribuar kështu në stabilizimin e makinës. Të pëlqyeshme janë edhe ndërhyrjet në kambion manuale me gjashtë marshe. Motori 4-cilindërsh 1,5 me 90 kuaj fuqi bën një furnizim më shumë se energjik. Momenti përdredhës maksimal me 148 Nm lejon që të përdoren marshet e larta pa shqetësim, ndërsa më e mira arrihet pas 4000 xhirove të tij. Si rrjedhim, nëse duhet rritur energjikisht shpejtësia, është e natyrshme të rriten marshet.
20 KILOGRAMË
Pesha totale e sistemit elektrik është shumë e përmbajtur
7% KURSIM
Me mild hybrid, konsumi mesatar i homologuar zbret nga 5,7 në 5,3 litra në 100 km